ہم اپنی بیٹیوں کی قیمت کیوں لگاتے ہیں؟

نگہت حسین :

پھر وہی پرانا رونا ۔۔۔۔۔۔۔
ارے اپنا خیال نہیں کرتی ۔۔۔۔۔۔۔۔اچھا رشتہ کیسے ملے گا ۔۔۔۔
جوان ہوتی بچیاں اور ان کے ساتھ جھنجھلائی مائیں
ایسے بیٹھو ،ویسے کھڑے ہو ۔۔۔۔۔یہ کرو ۔۔۔۔۔یہ نہ کرو ۔۔۔۔۔۔۔۔ڈریسنگ۔۔۔۔۔۔۔۔سیلف کئیر ۔۔۔۔۔۔۔۔۔۔تعلیم ۔۔۔۔۔۔۔۔۔۔اخلاق ۔۔۔۔۔۔۔۔لڑکیوں کی یہ ساری چیزیں آخر کس کے لیے ۔؟؟۔۔۔۔۔۔۔۔۔۔۔۔ان کی قیمت صرف ایک اچھا رشتہ ۔۔۔۔۔۔۔۔۔۔

اپنا خیال نہیں رکھتی ۔۔ ۔خیال رکھو ورنہ کوئی پوچھے گا نہیں ۔۔۔فلاں کو دیکھو ۔۔۔۔۔۔۔۔فلاں سے سیکھو
فلاں کی لڑکی وہ کریم لگا کر گوری ہوگئی ۔۔۔ تم نے اپنا گورا رنگ خراب کر لیا ۔۔۔۔۔۔۔دبلی ہو جائو ۔۔۔۔۔۔۔۔۔فیشن ایبل ہو جائو ۔۔۔۔۔کس لیے؟؟ اچھے رشتے کے لیے ۔۔۔۔۔!

بچیاں اور ان کی ماؤں کی ایک یہی پریشانی
رشتہ نہ ہوا ۔۔۔۔۔ایک سودا ہوگیا ۔۔۔۔۔۔۔بھائو تائو ۔۔۔۔لگا کر دام کھرے کرنے تک ۔۔۔۔ہر چیز ہی دیکھ لی جاتی ہے مارکیٹ ویلیو کے لحاظ سے ۔۔۔۔۔ظاہرا ایک شوبز جیسی چمک دار لڑکی چاہیے ہوتی ہے لیکن سیرت و کردار اس کا تاریخی نیک روحوں کی مانند ہونا چاہیے
ڈگری اس کی سی اے۔۔۔۔۔ ایم بی اے سے کم نہیں ہونی چاہیے لیکن گھرداری اس کو ایک تجربہ کار گھریلو عورت کی طرح آتی ہو۔
مول تول۔۔۔۔۔۔۔۔۔ بھاؤ تاؤ ۔۔۔۔۔۔۔۔۔۔پسند ناپسند ۔۔۔۔۔سبھی اسی ایک مقصد کے گرد

انجنیر بیٹا ہے تو ڈاکٹر لڑکی چاہیے ۔۔
سی اے بیٹا ہے تو انجینر لانی ہے
غرض جیسی ڈگری ویسی قیمت ۔۔۔۔

کتنے ہی ڈاکٹر انجینیر ۔۔۔۔سی اے ایم بی اے۔۔۔بے دلی سے صرف کمانے ۔۔۔۔۔۔اور رشتے کے لیے ہی تیار ہوئے ہیں
پھر شکل و صورت مال و دولت حسب نسب بھائی بہن ان کے سسرال ۔۔۔۔۔۔ڈگریاں ۔۔۔۔۔۔ذاتی گھر ۔۔۔۔۔۔۔
الھکم التکاثر ۔۔۔۔۔۔الھکم التکاثر ۔۔۔۔۔۔کی تصویر ۔۔۔۔

عرصہ ہوا ۔۔۔۔کسی کورس میں ایک انتہائی ماڈرن لیکن ملنسار لڑکی سے دوستی ہوئی ۔۔۔۔۔۔۔۔۔کافی دنوں کا ساتھ رہا تو بے تکلفی ہوگی ۔۔۔گفتگو بڑھنے لگی ۔۔۔ ۔۔۔۔ایک دن بات کرتے کرتے رو پڑی ۔۔۔۔۔تمھیں پتہ ہے کہ میرے لئے آئے ہوئے رشتوں سے کیوں انکار ہو جاتا تھا ۔۔۔۔۔۔۔اور میں حیرت سے پٹ پٹ آنکھیں کھولے ریٹائرڈ افسر کی اس حسین بیٹی کو دیکھے جارہی تھی کہ جس کی بھوری بھوری آنکھیں آنسوؤں سے لبریز تھیں ۔۔۔۔۔۔

میری حیرت زدہ سوالیہ نگاہوں کا جواب اس نے یوں دیا کہ سب سے پہلے تو میری ڈگری ہے کہ میں نے سادہ سا ایم اے کر رکھا ہے ۔۔۔۔۔۔دوسرا میری امی ہیں جن کو انگلش بولنی نہیں آتی ہے ۔۔۔۔۔آخری رشتہ تو اسی وجہ سے منع ہوا کہ امی انگریزی نہیں بول سکتی تھیں ۔۔۔۔۔۔ سارے گھر کو سنبھالنے والی سمجھ دار سلجھی اور خوب صورت لڑکی رو رہی تھی جو نہ تو غریب تھی نہ ہی غیر ڈگری یافتہ ۔۔۔۔۔جس کے باپ بھائی اونچے سرکاری عہدوں پر تھے ۔۔۔۔ لیکن ۔۔۔۔۔ایک اچھے رشتے کا سوال تھا جس کا پیمانہ بھی کوئی نہیں ۔۔۔۔۔۔۔۔۔نت نئے فیشن کی مانند ۔۔۔۔۔ لمبی فہرست جس میں ہر وہ چیز شامل ہوتی ہے جو مشکل ، غیر حقیقی اور بعض اوقات بے معنی ہوتی ہے۔۔۔۔۔۔۔۔۔۔

مائوں کو سوچنا چاہیے آخر ہم اپنی بچیوں کو کس لیے تیار کر رہے ہیں ۔۔۔۔۔اور یہ بھی کہ ۔۔اخر ہم اپنے بیٹوں کے لیے کیا مانگ رہے ہیں ؟۔۔۔۔۔۔کیوں مانگ رہے ہیں ۔۔۔۔۔؟؟

اور اس چمکتی دمکتی فہرست ڈھونڈنے والوں میں دین داری کے روپ میں چھپے رال ٹپکاتے افراد بھی شامل ہیں ۔۔۔۔۔۔جنھوں نے چند ظاہری افعال و اعمال سے اپنے آپ کو دین دار ظاہر کر رکھا ہوتا ہے جب معاملات کی بات آتی ہے تو ان کے سارے طور طریقے روش دور جاہلیت کی یاد دلا دیتی ہے ۔۔۔۔۔۔۔

ایسی قیمت تو دور غلامی کی کنیزوں کی بھی نہ لگتی ہوگی ۔۔۔۔۔
اور پھر سلجھی ہوئی مائیں کہاں سے ملیں گی ؟ جن کی گودوں میں جری بہادر پلے ہوں، جو حق و صداقت کا پیام اپنی لوریوں سے دیتی ہوں۔۔۔۔۔
بچیوں کو بتایا ہی کب کہ ان کی قدر اور ان کا کردار کیا ہے ؟
ہم نے تو بس ان کی قیمت لگائی ۔۔۔اسی قیمت کے لیے تیار کیا ۔