نگہت حسین
حالات اور لوگوں کے رویوں کو جھیل جھیل کر آپ تلخ ہوگئے ہیں ورنہ دل کے تو آپ اچھے ہیں ۔۔۔۔۔۔۔لوگوں نے آپ کو تلخ بنا دیا ہے ۔۔۔۔۔۔۔۔ یہ بات دل کو لگتی ہے ۔۔۔ بالکل حقیقت ہے ۔۔۔
آپ نے بہت برداشت کیا ہے ۔۔۔۔۔۔خیال رکھا ہے لیکن پھر بھی ۔۔۔۔ہر چیز کی برداشت کا ایک پیمانہ ہوتا ہے ۔۔۔۔مجھے اس سے بھی اتفاق ہے ۔۔۔۔
مجھے ان تمام لوگوں سے بہت ہمدردی ہے جو کہ برادشت کی حدوں سے گزرتے ہیں اور ناخوشگوار صورتحال میں لگے دل کے زخموں اور اس کی ٹیسوں کو سالہا سال تک محسوس کرتے ہیں ۔۔۔ ۔۔۔ لیکن پھر کیا ہوتا ہے کہ یہ برداشت ۔۔۔۔ایک ناسور میں بدل جاتا ہے ۔۔۔۔ اور آپ ہر نئے واقعے ۔۔ نئے فرد ۔۔۔نئے تعلق پر بھی ۔۔۔۔۔ تلخ ہوتے جاتے ہیں ۔۔۔۔۔ پرانے زخم کسی نہ کسی بات پر پھر دکھنے لگتے ہیں ۔۔۔۔۔۔۔
اور یہ سب آپ کے اپنے اختیار میں نہیں ہوتا ۔۔۔ آپ پھر اس پر بھی آنسو بہاتے ہیں ۔۔۔۔۔ مزید مجرم بنتے ہیں ۔۔۔۔۔ دوسرے فاصلہ رکھنے لگے ۔۔۔۔ احتیاط برتنے لگے تو یہ بھی آپ کے لئے سخت تکلیف دہ بات ہوتی ہے ۔۔۔۔۔۔ دوسروں سے توقع لگاتے ہیں کہ وہ کیوں نہیں سمجھتے کہ آپ ایسے نہیں ۔۔۔۔
یا کسی محرومی پر موازنہ کر کے اپنی ناکامی پر کڑھتے کڑھتے حسد کا شکار ہوجاتے ہیں ۔۔۔۔
سب کے بعد مزید یہ رفتہ رفتہ آپ کے اندر یہ احساس بھی ہونے لگتا ہے کہ میرے تلخ ہونے پر ۔۔۔ میرے بار بار بلاوجہ ناراض ہونے پر ۔۔۔۔۔۔ میرے کچھ چھوٹی باتوں کو بڑا بنانے پر بھی ۔۔۔ مجھے سب مل کر خوش کردیا کریں ۔۔۔۔۔۔ آپ دیر تک دوسروں سے منائے جانے کا انتظار کرتے رہے ۔۔۔ اپنے آپ کو خوش رکھنے کی ذمہ داری بھی دوسروں کے کاندھوں پر ڈال کر انجانے میں دوسروں سے غیر حقیقی توقعات وابستہ کر لیتے ہیں ۔۔۔ پھر ۔۔۔۔ اس منظر نامے میں رنگ بھرنے والا نہیں ملتا ۔۔۔۔۔۔۔۔ اس پر آپ سب سے اور ناراض رہتے ہیں ۔۔۔۔
آپ کو خوش رہنے ۔۔۔۔ ہمدردی حاصل کرنے اور میٹھے بول سننے کی تلاش ہے لیکن اس تلاش میں ہر تعلق کو اپنے آپ سے دور کردیتے ہیں
تو آ ج ذرا اٹھیں ۔۔۔۔۔ ہمت کر کے اپنے آنسو محبت سے اپنی پلکوں سے خود ہی چن لیں ۔۔۔۔۔۔۔۔۔۔۔۔۔۔ آئینے کے سامنے کھڑے ہوکر اپنے آپ ہر پیار بھری نگاہ ڈالیں اور ۔۔۔ محبت بھرا احساس دلائیں ۔۔۔۔ اور کہیں میں موجود ہوں اپنے آپ کے لئے ۔۔۔۔۔۔۔۔اپنے آپ کو منائیں ۔۔۔۔
اپنے آپ سے ناراضی ختم کریں کیوں کہ
حقیقت میں آپ خود اپنے آپ سے ناراض ہیں ۔۔۔۔۔ آپ کو آپ کی ضرورت ہے ۔۔۔۔۔۔
اپنے آپ کو میٹھے بول بولیں ۔۔۔۔۔ دوسروں سے نہیں اپنے لبوں سے سنیں کہ ہاں آپ ایک جنگ کی فاتح ہیں ۔۔۔ اور
سب سے پہلے اپنے آپ کو اس تلخی کی سزا سے نجات دلائیں ۔۔۔۔۔ اپنے آپ سے ناراضی ختم کریں . دوسروں کے معافی مانگنے کی امیدوں کے بجائے اپنے آپ کو اپنے ذہنی سکون کے لئے معاف کردیں ۔۔۔۔۔
یہ کڑوا پن صرف یہ بتاتا ہے کہ آپ اندر سے بیمار ہیں ۔۔۔ نڈھال ہیں ۔۔۔۔
اپنے آپ کو وقت دیں ۔۔۔۔ اپنے ساتھ وقت گزاریں ۔۔۔۔۔۔۔۔۔۔۔۔ اچھے لوگوں میں ۔۔۔۔۔ اچھی کتابوں میں ۔۔۔۔۔ مخلص دوستوں کے ساتھ ۔۔۔ اپنی خوشی کے کام کرکے ۔۔۔۔۔ اور حالات زیادہ خراب ہوں تو کسی معالج سے رابطہ کر کے ۔۔۔۔
زندگی کے بہت سے مسئلے اس وقت حل ہوجاتے ہیں جب ہم اپنی زندگی سے دوسروں کو نکال دیتے ہیں ۔۔۔۔۔۔۔ یاد رہے کہ خوش رہنا ہمارا کام ہے اور سیکھنے کی صلاحیت ہے ۔۔۔۔ہمیں خوش رکھنا کسی کہ ذمہ داری نہیں ہے ۔
