مری کی سیاحت کو آنے والوں کے لیے حکومت نے بڑی سہولت فراہم کردی

سوشل میڈیا پر شیئر کریں

ٹورازم ڈویلپمنٹ کارپوریشن آف پنجاب ( ٹی ڈی سی پی)نے سیاح کی سہولت کے لیے مری ٹورسٹ بس سروس کا آغاز کیا ہے، یہ بس سروس آرام دہ سفر کے ساتھ قدرتی راستوں پر مری کے مشہور مقامات کی سیر کرواتی ہے۔

ٹورازم ڈویلپمنٹ کارپوریشن آف پنجاب (ٹی ڈی سی پی) نے مری اور گلیات کے علاقے میں آنے والے سیاحوں کے لیے ایک نئی سروس – مری ٹورسٹ بس (ایم ٹی بی) کا آغاز کیا ہے۔

مری ٹورسٹ بس سروس 2 الگ الگ راستوں پر سفر کرتی ہے۔ ان دونوں راستوں کو مری کے دلکش مناظر اور مقامات کو پیش نظر رکھتے ہوئے ڈیزائن کیا گیا ہے۔

پہلا راستہ کشمیر پوائنٹ سے شروع ہوتا ہے اور مسافروں کو جھیکا گلی، کالادانہ اور نتھیا گلی سے گزرتا ہے، آرام دہ اور دلکش مناظر پر مشتمل اس راستے پر سفر کا آغاز صبح 10:00 بجے ہوتا ہے جبکہ بس سہ پہر 3:00 بجے واپس آتی ہے۔ اس دو طرفہ سفر کے لیے ٹکٹ کی قیمت 1200 روپے فی مسافر رکھی گئی ہے۔

راستہ:

کشمیر پوائنٹ ۔۔۔ آغاز

جھیکا گلی

کلدانہ

خیرہ گلی

چھانگلہ گلی

ڈونگا گلی

نتھیا گلی ۔۔۔ اختتام

پتریاٹا روٹ:

دوسرا راستہ بھی کشمیر پوائنٹ سے شروع ہوتا ہے اور جھیکا گلی، لوئر ٹوپہ، ایکسپریس وے، دینا، نیو مری اور پتریاٹہ کا احاطہ کرتا ہے۔ یہ راستہ بھی اسی قدر خوشگوار تجربہ فراہم کرتا ہے، بس اسی طرح کے شیڈول کے مطابق صبح 10:00 بجے روانہ ہوتی ہے اور شام 3:00 بجے واپس آتی ہے۔